Fyrirtæki

Sjóvá leggur ríka áherslu á að veita fyrirtækjum í viðskiptum úrvals þjónustu, hvort sem um er að ræða stór eða smá fyrirtæki og sama hvers eðlis rekstur þeirra er. Við héldum sterkri stöðu okkar á fyrirtækjamarkaði á árinu þó að samkeppni hafi verið hörð þar eins og undanfarin ár.

Við lögðum okkur að vanda fram við að vera í góðum samskiptum við fyrirtækin okkar varðandi helstu verkefni þeirra og áskoranir. Hluti af því voru áhættu- og forvarnaskoðanir starfsfólks okkar í fyrirtæki en samtals var farið í 282 slíkar skoðanir á árinu. Það er mikil aukning frá fyrri árum enda var ákveðið að gefa hér sérstaklega í samhliða átaki sem Sjóvá stóð fyrir á árinu gegn vinnuslysum. Að auki var farið í mörghundruð þjónustuheimsóknir til fyrirtækja en þær eru afar mikilvægar til að viðhalda samtalinu við starfsfólk þeirra.

Lesa má nánar um átak gegn vinnuslysum og önnur forvarnarverkefni í umfjöllun um forvarnir.

8.899

fyrirtæki voru með tryggingar hjá okkur í lok árs.

Fyrirtækjadagar og fjölbreyttir viðburðir

Á árinu stóðum við fyrir svokölluðum Fyrirtækjadögum á Selfossi, Akureyri og Ísafirði. Viðskiptavinum úr atvinnulífinu á þessum slóðum var boðið að hlýða á fróðleg erindi tengd atvinnurekstri, deila þekkingu sinni og efla tengslanetið yfir hádegisverði. Þjónusta Sjóvár og vegferð félagsins var kynnt, farið var yfir stöðu efnahagsmála og áhrif þeirra á atvinnulífið og haldið var fræðsluerindi um brunavarnir og áhættur, svo sem þær sem fylgja vinnu með opinn eld. Þetta framtak vakti mikla ánægju viðskiptavina og var þátttakan góð.

Viðburðir sem þessir eru mikilvægur þáttur í að byggja upp það trausta og góða samtal sem við viljum eiga við viðskiptavini okkar til að geta verið enn betur til staðar fyrir fyrirtæki í viðskiptum í þeim áskorunum sem þau standa frammi fyrir. Af sömu ástæðu höfum einnig lagt áherslu á að vera aðgengileg á ýmsum fagsýningum og viðburðum, eins og á Sjávarútvegsýningunni 2025, Verk og vit og Læknadögum, svo dæmi séu tekin. Þá stóðum við fyrir og tókum þátt í ýmsum fræðslu- og forvarnatengdum viðburðum fyrir fyrirtæki og opinbera aðila á árinu, eins og nánar er greint frá í umfjöllun um forvarnir.

Nánari upplýsingar um aðgerðir og árangur tengdan ánægju fyrirtækja í viðskiptum má lesa í umfjöllun um ánægju viðskiptavina og annarra notenda þjónustu.

„Fæ ávallt toppþjónustu, hvort sem er um að ræða fyrir heimilið, fyrirtækið eða annað. Hrós til ykkar :)“

„Fékk tilboð í tryggingar, var hringt í mig til að leiðbeina með framhaldið sem var mjög gott því ég hef aldrei þurft að tryggja fyrirtæki áður svo ég var mjög grænn í þessu. Allt upp á borði allan tímann og allt gekk smurt fyrir sig.“

Fyrirtækjadagar og fjölbreyttir viðburðir

Nánari upplýsingar um aðgerðir og árangur tengdan ánægju fyrirtækja í viðskiptum má lesa í umfjöllun um ánægju viðskiptavina og annarra notenda þjónustu.